Strap line image
A  A  A
Ynghylch Ynys MônBeth i'w wneudBle i ArosDigwyddiadauTeithio Yma

Teithiwch trwy Fôn....Croeso i'ch Ynys o Ddewis

Llong deithio wedi'i angori yng Nghaergybi

Caergybi, Ynys Môn - Porth yr Ynys o Ddewis i Ogledd Cymru ac Eryri.

Ynys Môn yw'r ynys fwyaf oddi ar dir mawr Prydain ac mae iddi amryw o drysorau cudd. Mae gennym ein hanes a'n diwylliant cyffrous yn mynd yn ôl i 8000 CC yn ogystal a diwylliant modern bywiog.

Fel diamwnt Cymru, y mae sawl wyneb i'n hynys ac rydym yn estyn croeso i'n teithwyr llong wyliau ddod i ymchwilio.

Bydd ein croeso'n gynnes a chyfforddus ac fe fydd hyn yn sicr o ychwanegu at yr atgofion hapus y byddwch yn eu dwyn gartref gyda chwi.

Ewch i weld Plas Newydd, y plasty o'r 18 ganrif sy'n llechu ger y Fenai brydferth a chartref traddodiadol Marcwis Môn.
 
Fe geir hefyd weddillion safleoedd crefyddol led led yr ynys, yn eglwysi hynafol a siambrau claddu a chytiau Gwyddelod.

Ym Môn y mae un o'r llefydd gyda'r enwau hiraf yn y byd - pentref Llanfairpwllgwyngyllgogerychwyndrobwyllllantysiliogogogoch sy'n cynnig diwrnod allan gwych a gwir flas Cymreig.

Ychydig filltiroedd i ffwrdd mae nawddsantes cariadon Cymru, Dwynwen, wedi ei chladdu yn Ynys Llanddwyn - penrhyn o dir prydferth ar arfordir deheuol Ynys Môn.

Mae digonedd o gyfleon i'r ymwelydd egniol gerdded, seiclo neu gael rownd o golff. 

Does ond ychydig o lefydd all gystadlu â'r cyfuniad o harddwch naturiol, croeso cynnes a'r ystod eang o gyfleusterau golffio (y cyfan yn cynnig gwerth am arian eithriadol) sydd gan yr ynys i'w gynnig.

Ymwelwch hefyd â rhai o'r golygfeydd mwyaf cofiadwy ym Mhrydain tra'n cerdded ar hyd 125 milltir llwybr Arfordir Môn.

Teithiwch dros yr Afon Menai i'r tir mawr i ymweld â chestyll Caernarfon, Conwy a Bodelwyddan. Gallwch hefyd ymweld â'r ardd fyd-enwog ym Modnant neu mwynhau taith ar Rheilffordd Eryri.
manylion cyswllt
 
Am unrhyw wybodaeth ynglyn ag ymweliadau’r llongau cysylltwch â Julia McCormack, Cydlynydd:

Ffôn: +0044 (0)7717785641
 
 

Cyngor Sir Ynys Môn, Llangefni. Ynys Môn. LL77 7TW. Ffôn: (01248) 750057. Ebost: twristiaeth@ynysmon.gov.uk
Hawlfraint Cynnwys a Delweddau © 2009
cymorth : hygyrchedd : gwadiad : map y safle : polisi preifatrwydd : canolfannau croeso : gwybodaeth defnyddiol : adborth