Oriel Kyffin Williams

Mae’r oriel hon yn deyrnged priodol i un o artistiaid enwocaf a mwyaf uchel ei barch yng Nghymru. Yn ei haelioni, rhoddodd Syr Kyffin Williams dros 400 o waith celf gwreiddiol i Oriel Ynys Môn, o sgetsys i ddarluniau i waith olew sylweddol.

Mae’r Oriel yn diogelu’r casgliad mawr a phwysig hwn â balchder arbennig, er budd pobl Môn a’i hymwelwyr. Mae’r arddangosfeydd yn amrywio o gasgliad creiddiol Oriel Ynys Môn i gasgliadau a fenthycwyd gan sefydliadau ac unigolion.

Kyffin Williams - Portreadau
6 Chwefror - 11 Gorffennaf 2010

Portreadau a beintiwyd gan Kyffin Williams o gasgliad yr Oriel, casgliadau preifat a sefydliadau yn cynnwys Amgueddfa Genedlaethol Cymru, Llyfrgell Genedlaethol Cymru, The National Portrait Gallery a’r Southbank Centre yn Llundain.

Kyffin Williams - Gwaith Anweledig
24 Gorffennaf 2010 - 23 Ionawr 2011

Cyfle unigryw i weld gwaith o gasgliad yr Oriel ac hefyd yn arbennig gwaith o gasgliadau preifat sydd heb eu harddangos erioed yn gyhoeddus.

Printiau Kyffin Williams

Mae 12 print, a ddewiswyd o’r gwaith gwreiddiol a roddwyd i Oriel Ynys Môn gan Syr Kyffin Williams ei hun, ar werth yn Oriel Ynys Môn. Cynhyrchwyd y printiau gan Curwen Press, Caergrawnt.

Mae gan bob print rediad o 350, oll wedi cael eu harwyddo’n bersonol gan yr artist. Dyma gyfle unigryw i’r rhai sy’n mwynhau ac yn casglu celf i brynu esiamplau o waith Syr Kyffin Williams.

Gweler Siop yr Oriel - Jac Do - am esiamplau o'r printiau a gwybodaeth ar syt i'w prynu.

Llyfr Kyffin Williams

Mae llyfr arbennig, ‘Kyffin’ wedi cael ei gynhyrchu i glodfori Oriel Kyffin Williams. Mae’r llyfryn hwn yn llawn lluniau o gasgliad Oriel Ynys Môn ynghyd â nifer o baentiadau olew sydd ymhlith y gorau a gynhyrchodd Kyffin erioed. Mae’r llyfr ar werth yn siop yr Oriel - Jac Do.