Cwblhauwyd y llwybr gyfan mewn 11 diwrnod gan Stephen a Lynn Bristow o Warrington. Roedd gan pob diwrnod ei uchelbwynt arbennig ei hun - y chytref adnabyddus o fôr-wennoliaid yng Nghemlyn, er enghraifft, neu eglwys Llanwenllwyfo a agorwyd yn arbennig ar eu cyfer. Mae'n un o'r mannau gorau yn y byd i weld gwydr lliw Fflandrys o'r 16eg ganrif, sy'n rhan o gasgliad teulu Neave.
"Cyfrinach da ydi Ynys Môn," meddai Stephen. "Byddwn yn sicr o ddod yma eto. Nawr ein bod yn ymwybodol o'r holl sydd ar gael, byddwn yn ôl ar gyfer y penwythnosau. Yn wir, rydym yn synnu pam nad ydym wedi dod or blaen."
Wrth gwrs, nid oes rhaid i chi fynd i'r afael â'r llwybr arfordirol gyfan. Mae'r llwybr wedi ei dorri i ddarnau o ychydig filltiroedd yn unig, y rhan fwyaf ohonynt yn eithaf gwastad ac yn cysylltu â chyfres o lwybrau cerdded treftadaeth neu lwybrau cylchdeithiol. Gallwch, fodd bynnag, ei chanfod yn anodd i wrhsefyll yr her.
Mae rhannau dethol o'r llwybr arfordirol heb unrhyw giatiau neu camfeydd o gwbl, a cheir rhai darnau a all dderbyn cadeiriau olwyn. Am fwy o wybodaeth gweler tudalen Arweinlyfr swyddogol Llwybr Arfordirol Ynys Môn.